Sunday, February 15, 2009

துபாய் மால் (The Dubai Mall)

பன்னிரண்டு மில்லியன் சதுரஅடிப் பரப்பளவு, கிட்டத்தட்ட 50 கால்பந்தாட்ட மைதானங்களின் அளவைவிடப் பெரியதாய்ப் பரந்துவிரிந்திருக்கும் துபாய் மால், உலகின் மிக உயரமான கட்டிடமான புர்ஜ் துபாயின் (Burj dubai) அடிவாரத்தில் அமைந்துள்ள, உலகின் மிகப்பெரும் ஷாப்பிங் மால்களுள் ஒன்று. உலகப்புகழ்பெற்ற 600 நிறுவனங்களின் விற்பனை நிலையங்கள் தற்போது இங்கே இருக்கிறது. இதுதவிர,இன்னும் 600 கடைகளுக்கான இடம் இன்னும் ஆக்கிரமிக்கப்படாமல் இருக்கிறதாம்.





இங்கே அமைந்திருப்பதுதான் உலகிலேயே மிகப்பெரிய தங்க ஆபரணங்களுக்கான விற்பனைப்பகுதி என்று சொல்கிறார்கள். 220 நகைக்கடைகள் இங்கே ஒரே இடத்தில் இருக்கிறதாம். அதனால் வரும்போது மறக்காம பை நிறைய்ய்ய பணம் எடுத்துட்டு வாங்க.

இதோ, தங்கச்சுரங்கத்தின் நுழைவாயிலில்...







இதுதவிர பொழுதுபோக்குக்காக, டிஸ்கவரி செண்டர், துபாய் ஐஸ் ரிங் எனும் பனிச்சறுக்கு விளையாட்டுத்திடல் மற்றும் துபாய் அக்வேரியமும்(மீன் காட்சியகம்) இங்கே அமைக்கப்பட்டுள்ளது.காலையிலேயே நுழைந்தாலும் இரவுக்குள் முழுப்பகுதியையும் சுற்றிப்பார்க்கமுடியுமா என்பது சந்தேகம்தான்.













மீனோடு மீனாக மனிதர் ஒருவர்...



பனியில் சறுக்கி விளையாடுகிறார்கள் சிறியவர்களும் பெரியவர்களும்...











உற்சாகமாய் உறைபனியில் விளையாட்டு நடக்கையில் சட்டென்று ஒரு விபரீதம் நடந்தது.
கீழே விழுந்த ஒரு பெண் வலியில் துடிக்க, கண்ணிமைக்கும் நேரத்தில் வந்த முதலுதவிக்குழுவினர்...





மையப்பகுதியில், உலோகத்தால் அமைக்கப்பட்ட தரைஓவியம்...



மையப்பகுதியிலுள்ள இந்த விதானத்தில் ஏற்படும் நிறமாற்றத்திற்கேற்ப தரையிலுள்ள உலோகப்பரப்பும் அழகழகாய் மாறுகிறது.



விளக்கொளியில் பொன்னாக மின்னும் அழகு...



அன்றைய பொழுதில் பார்க்கமுடிந்தது இவ்வளவுதான். சுற்றிய காலுக்கு ஆறுதலாக, பரந்துகிடக்கும் food court ல் அமர்ந்து சிற்றுண்டி சாப்பிட்டுவிட்டு, மிச்சப்பகுதிகளை இன்னொரு நாளுக்கு ஒதுக்கிவிட்டுத் திரும்பினோம்.

6 comments:

  1. அட நம்ம துபாய் தானா நீங்க! நல்லது இப்பதான் உங்க பிளாக் பக்கம் வரேன். நல்லா இருக்கு எல்லா பதிவும் கலர் கலரா!

    ReplyDelete
  2. உடம்பு இளைக்கனும் என்றால் இங்கு போகலாம்.
    நகைக்கடைகளை இப்படி ஒரே இடத்தில் வைத்தால் எப்படி வியாபரம் நடக்கும்??பல கடைகளை பார்க்கும் போது கூட்டமே இல்லாமல் மிக கஷ்டமாக இருந்தது.
    என்னுடைய பதிவு இங்கே

    ReplyDelete
  3. நானும் என்னைக்காவது ஒரு நாள் போனும்னு நினைக்கிறேன்...நடக்கமாட்டேங்குதே...
    நீங்களாவது பாத்தீங்களே...

    ReplyDelete
  4. //அபி அப்பா said...
    அட நம்ம துபாய் தானா நீங்க! நல்லது இப்பதான் உங்க பிளாக் பக்கம் வரேன். நல்லா இருக்கு எல்லா பதிவும் கலர் கலரா!//

    முதல் வருகைக்கு மிக்க நன்றி அபி அப்பா.

    ReplyDelete
  5. //வடுவூர் குமார் said...
    உடம்பு இளைக்கனும் என்றால் இங்கு போகலாம்.
    நகைக்கடைகளை இப்படி ஒரே இடத்தில் வைத்தால் எப்படி வியாபரம் நடக்கும்??பல கடைகளை பார்க்கும் போது கூட்டமே இல்லாமல் மிக கஷ்டமாக இருந்தது.
    என்னுடைய பதிவு இங்கே//

    உங்க பதிவைப் பார்த்தேன். நல்லா இருக்குது.
    சில படங்கள் நான் எடுத்த அதே கோணத்தில் எடுத்திருந்ததைப் பார்க்க ஆச்சர்யமாயிருந்தது.
    வருகைக்கு நன்றி வடுவூர் குமார் அவர்களே!

    ReplyDelete
  6. //நாஞ்சில் பிரதாப் said...
    நானும் என்னைக்காவது ஒரு நாள் போனும்னு நினைக்கிறேன்...நடக்கமாட்டேங்குதே...
    நீங்களாவது பாத்தீங்களே...//

    ஆளே வரலேன்னு கடைக்காரங்கல்லாம் கவலைப்படறாங்களாம். சீக்கிரம் போய்ப்பாருங்க :)

    முதல் வருகைக்கு நன்றி நாஞ்சிலாரே!

    ReplyDelete

LinkWithin

Related Posts with Thumbnails