Friday, June 12, 2009

உளுத்தங் கஞ்சி ( Urad Dal Porridge)



உடல் ஆரோக்கியத்துக்கு உளுந்து மிகவும் நல்லதுன்னு சொல்லுவாங்க நம்ம பெரியவங்க. எளிதாகச் செய்யப்படும் இந்த உளுத்தங் கஞ்சி மிகவும் மணமானதும் சுவையானதும் கூட. பள்ளி செல்லும் குழந்தைகளுக்குக் காலை உணவாகக் கொடுக்கக்கூடிய சத்தான உணவு இது.

தேவையான பொருட்கள்

தோலில்லாத வெள்ளை உளுந்து - 100 கிராம்

பச்சரிசி - 50 கிராம்

பால் -1/2 லிட்டர்

சர்க்கரை - தேவைக்கேற்ப

உப்பு - ஒரு சிட்டிகை.

செய்முறை:-

பாலை நன்றாகக் காய்ச்சி ஆறவிடவும். உளுத்தம் பருப்பையும், பச்சரிசியையும் நீரில் கழுவி, குக்கரில் வைத்து நன்றாகக் குழைய வேகவைத்துக்கொள்ளவும். குக்கரைத் திறந்தபின் வெந்த பருப்பையும் அரிசியையும் கரண்டியால் நன்கு மசித்துவிட்டு, பாலை அதில் சேர்க்கவும்.தேவைக்கேற்ப சர்க்கரை சேர்த்து சிட்டிகை உப்பும் சேர்த்துக் கலந்துவிடவும். சுவையான உளுத்தங் கஞ்சி தயார்.

தேவையானா, ஏலக்காய்ப்பொடி சேர்க்கலாம். ஆனா, அப்படிச் சேர்க்கும்போது உளுந்தோட இயல்பான வாசனை இல்லாம போயிடும். உளுத்தம்பருப்புக்குப் பதிலாக பாசிப்பருப்பு சேர்த்தும் இதுபோல கஞ்சி செய்யலாம்.

2 comments:

  1. உளுத்தம் பருப்பு வேக அதிக நேரம் பிடிக்கும் என நினைக்கிறேன்.

    ஆகவே குக்கர் விசில் எவ்வளவு வரவேண்டும் என்பதையும் கூறுங்களேன்.

    அன்புடன்,
    டோண்டு ராகவன்

    ReplyDelete
  2. முதலாவதாக, வருகைக்கு நன்றி ராகவன் அவர்களே.

    தோலில்லாத உளுந்து அவ்வளவு ஒண்ணும் அதிகமாக நேரம் எடுக்காது.

    குக்கர் விசில் எண்ணிக்கை ஒவ்வொரு பிராண்டுக்கும் வித்தியாசப்படுமென்பதால்தான் சொல்லாமல்விட்டேன்.

    உதாரணமா, என்னோட பழைய ப்ரெஸ்டீஜ் ல மூணு விசில் போதும். அதுவே ஹாக்கின்ஸ்ல ஐந்தாறு விசில் தேவைப்படும்.

    ReplyDelete

LinkWithin

Related Posts with Thumbnails