Friday, September 24, 2010

மைதா முறுக்கு

கைமுறுக்கு,அச்சு முறுக்கு, தேன்குழல்ன்னு எத்தனையோ வகை சாப்பிட்டிருப்பீங்க...ஆனா, அத்தனையிலும் எளிதானது இந்த மைதா முறுக்குதாங்க. ஒருமுறை செய்து ருசிபார்த்தா அப்புறம் உங்க அடுப்படியில் அடிக்கடி மைதாமாவு காலியாகும்.

மைதா முறுக்கு செய்யத் தேவையான பொருட்கள்

மைதா மாவு - 1/4 கிலோ

எள் - 1 தேக்கரண்டி

சீரகம் - 1/2 தேக்கரண்டி

உப்பு - தேவையான அளவு

எண்ணெய் - பொரிப்பதற்கு.

செய்முறை

மைதாவை மெல்லிய துணியில் கட்டி, ஆவியில் நன்றாக வேகவைத்து எடுத்துக்கொள்ளவும். வேகவைத்து ஆறிய மைதாவை உதிர்த்துவிட்டு, உப்பு கலந்த நீர், சீரகம், எள் சேர்த்து கெட்டியாக, முறுக்கு அச்சில் பிழியும் பக்குவத்தில் பிசைந்துகொள்ளவும். காரம் தேவையென்றால் சிறிது காரப்பொடி சேர்த்துக்கொள்ளலாம்.

பிசைந்த மாவை, சிறு சிறு தட்டுகளில் பிழிந்து,அதனை எண்ணெயில் இட்டு வேகவிடவும். ஒருபுறம் வெந்ததும் திருப்பிவிட்டு மறுபுறமும் நன்றாக வெந்ததும் எடுக்கவும். சுவையான, எளிதான மைதா முறுக்கு தயார்.

5 comments:

  1. இது நல்லாவே இருக்கும். திருமணமான புதிதில் செய்யக்கத்துக்கிட்ட முதல் பலகாரம் இதுதான் :-))

    ReplyDelete
  2. நானும் ஒருக்கா செஞ்சிருக்கேன் - மைதாவை சுடுநீர் ஊற்றிப் பிழிஞ்சு, சீனி தூவி சாப்பிடணும். உடனே சாப்பிட நல்லாருந்து; ஆனா, அடுத்த நாள் நமத்துப் போச்சு - சாப்பிடவே முடியாத அளவுக்கு!!

    இந்த முறையில் அப்படி ஆகாமல் இருக்குமா சுந்தரா?

    ReplyDelete
  3. //அமைதிச்சாரல் said...

    இது நல்லாவே இருக்கும். திருமணமான புதிதில் செய்யக்கத்துக்கிட்ட முதல் பலகாரம் இதுதான் :-))//

    :) நன்றிகள் சாரல்!

    ReplyDelete
  4. //ஹுஸைனம்மா said...

    நானும் ஒருக்கா செஞ்சிருக்கேன் - மைதாவை சுடுநீர் ஊற்றிப் பிழிஞ்சு, சீனி தூவி சாப்பிடணும்.//

    முறுக்கில் சீனி தூவியா? புதுசா இருக்கே...

    // உடனே சாப்பிட நல்லாருந்து; ஆனா, அடுத்த நாள் நமத்துப் போச்சு - சாப்பிடவே முடியாத அளவுக்கு!!

    இந்த முறையில் அப்படி ஆகாமல் இருக்குமா சுந்தரா???//

    இது மாவை நனைக்காம, அப்படியே ஆவியில் வேகவிட்டு, அப்புறம் தண்ணீர் சேர்த்துப் பிசைந்து செய்யணும் ஹுசைனம்மா.

    முறுக்கு,வெள்ளை வெளேர்ன்னு, மொறுமொறுப்பா இருக்கும்.

    ReplyDelete
  5. மைதா முறுக்கு நல்ல இருக்கு பேக் பண்ணி வையுங்க வரேன்.

    ReplyDelete

LinkWithin

Related Posts with Thumbnails